స్టెప్పులేసి అదరగొట్టిన శ్రీదేవీ, మాధురీ, అమితాబ్

కలర్స్ ఛానల్ నిర్వహించిన ఝలక్ దిక్ లాజా గ్రాండ్ ఫినాలేలో శ్రీదేవీ, మాధురీ దీక్షిత్ స్టెప్పులేసి అదరగొట్టారు. ఒకనాటి ప్రత్యర్థులు ఇద్దరూ ఒకేవేదికపైకి రావడం.... కలిసి డ్యాన్స్ చేయడం బాలీవుడ్ లో సంచలనం రేపింది. అదికూడా ఒకరి పాటపై మరొకరు డ్యాన్స్ చేసి ఆడియన్స్ ను అలరించారు. పనిలోపనిగా తాను నటించిన ఇంగ్లీష్ వింగ్లీష్ సినిమా ప్రమోషన్ కూడా చేసింది ఒకనాటి అందాల సుందరి శ్రీదేవి.


             కౌన్ బనేగా కరోడ్ పతి షోలో బిగ్ బి అమితాబ్ తో కలిసి స్టెప్పులేసి హంగామా చేసింది శ్రీదేవి. ఈ కార్యక్రమం వచ్చే ఆదివారం (అక్టోబర్ 7న) సోనీ ఎంటర్ టైన్మెంట్ ఛానెల్ లో ప్రసారం కానుంది. 20 ఏళ్ల తర్వాత అమితాబ్, శ్రీదేవీ జోడీ స్టెప్పులేయడం రియల్లీ వండరే. 1992లో వీరిద్దరూ కలిసి నటించిన సినిమా కుదాగవా. ఆ తర్వాత ఇప్పుడు కౌన్ బనేగా కరోడ్ పతిలో డ్యాన్స్ చేసి పాతరోజులను షేర్ చేసుకున్నారు. ఇక్కడ కూడా శ్రీదేవీ ఇంగ్లీష్ వింగ్లీష్ సినిమాను ప్రమోట్ చేయడం విశేషం.